DAGITI PROGRAMA PARA ITI NAIDISKWENTO A PAMASAHE TI THEBUS
Tapno makakualipikar iti HOLO Card para iti Naidiskwento a Pamasahe, masapul a matungpalmo ti maysa kadagiti sumaganad a kasapulan:
● KINABANNUAG dagiti agtawen ti 6-17. Masapul a mangipakita ti sertipiko ti pannakayanak wenno balido nga ID a mangipakita iti petsa ti pannakayanak.Kairamanan dagiti estudiante nga agtawen agingga iti 19 nga addaan iti balido nga ID iti haiskul wenno pammaneknek ti panagpalistada. Magun-od dagiti youth card kadagiti Satellite City Hall (malaksid iti lokasion ti Ala Moana Center) ken iti Transit Pass Office.
Form para iti Pamasahe ti Kinabannuag (pdf a bersion) (online nga order)
● BABBAKET KEN LAKLAKAY dagiti ag-edad 65 pangato. Masapul nga mangipaay iti balido a photo ID nga addaan iti petsa ti pannakayanak kas iti lisensia ti panagmaneho, inruar ti Estado a pakabigbigan wenno pasaporte.. Dagiti Senior HOLO card ket mabalin a magatang iti Satellite City Halls ken iti Transit Pass Office.
Senior Kamaaina: Ti lisensia ti panagmaneho ti Hawaii ken ID nga inted ti Estado laeng ti maawat a pammaneknek ti panagnaed iti Hawaii.
Mabalin a gatangen dagiti senior HOLO card kadagiti Satellite City Hall (malaksid iti lokasion ti Ala Moana Center) ken iti Transit Pass Office.
Form ti Senior a Saan a Residente (pdf a bersion)
Form ti Senior ti Kamaaina (pdf a bersion) (Online Kamaaina HOLO Card Order)
● KARD TI PANNAKABALDADO Kitaen ti Form ti Aplikasion para iti Pannakabaldado
para kadagiti instruksion, kasapulan, ken pannakaileppas. Masapul ti balido a photo ID nga inted ti Gobierno. Agpatingga ti naidiskwento a pamasahe para iti Temporario a Pannakabaldado no agpatingga ti panawen nga inreseta ti Mangipapaay iti panangtaripato ti salun-at. Masapul a mapabaro ti Kard iti Permanente a Pannakabaldado iti tunggal 4 a tawen. Magun-od laeng dagiti HOLO card para iti pannakabaldado iti Kalihi Transit Pass Office.
Disability Kamaaina – Ti lisensia ti panagmaneho ti Hawaii ken ID nga inted ti Estado ti Hawaii laeng ti maawat a pammaneknek ti panagnaed iti Hawaii.
● Ti U.S. MEDICARE CARD (nalabaga/puraw/asul) ket magun-od dagiti saan pay nga agtawen ti 65. Ti edad a 65 ken natataengan ket masapul nga agaplikar para iti Senior Holo card. Masapul a mapabaro ti kard iti tunggal 4 a tawen. Masapul iti U.S. Medicare Form.Ti Medicare HOLO card ket magun-od laeng iti Kalihi Transit Pass Office.
U.S. Medicare Kamaaina –Ti lisensia ti panagmaneho ti Hawaii ken ID nga inted ti Estado ti Hawaii laeng ti maawat a pammaneknek ti panagnaed iti Hawaii.
U.S. Medicare Form para iti Saan a Residente (pdf a bersion)
Kamaaina U.S. Medicare Form(pdf a bersion)
● Ti THEHANDI-VAN Ti HOLO Card ket para kadagiti kualipikado nga agsaksakay a gumatang iti pass iti bus wenno agus-usar iti stored value iti nababa a rate. Saan a mabalin a lumabes ti TheHandi-Van HOLO Card a pass iti bus iti pannakakualipika iti TheHandi-Van.
KARD PARA ITI ABABA NGA KITA Masapul ti naaprobaran nga aplikasion. Ti panawen ti pannakakualipika ket naibatay iti piskal a tawen; Hulio – Hunio ti sumaganad a tawen.
Maidawat ta laglagipenyo nga amin a dokumentasion ket masapul a mapakuyogan iti balido nga photo ID nga inted ti Gobierno a pakairamanan ti petsa ti pannakayanak.
